Новіч 2025
29-30 лістапада 2025 г.
Адкрытыя міжнародныя спаборніцтвы па спартыўнаму арыентаванню
1. Мэты і задачы
Спаборніцтвы «NOVICH2025» праводзяцца з мэтай развіцця і папулярызацыі спартыўнага арыентавання ў Рэспубліцы Беларусь.
Асноўнымі задачамі спаборніцтваў з’яўляюцца:
павышэнне ўзроўню спартыўнага майстэрства спартсменаў;
прыцягненне вучняў да сістэматычных заняткаў фізічнай культурай і спортам;
палепшыць эмацыйны стан удзельнікаў;
вызначэнне мацнейшых спартсменаў.
2. Дата і месца правядзення
29 і 30 лістапада 2025 года
Беларусь, Полацкі раён
Цэнтр спаборніцтваў будзе размяшчацца непасрэдна на арэне спаборніцтваў.
29.11.2025: (55.580846, 28.565360)
30.11.2025: (55.596583, 28.567898)
3. Арганізатары і галоўная судзейская брыгада
Спаборніцтвы праводзяцца пад кіраўніцтвам КСА «Эрыдан».
Непасрэдную арганізацыю ажыццяўляе
Брыгада спаборніцтваў «NOVICH2025»
– Галоўны суддзя – Антон Новічэнка
– Сакратар – Дзмітрый Міхалкін
– Намеснік галоўнага суддзі па арг. пытаннях – Карына Фурс
– Намеснік галоўнага суддзі па дыстанцыях – Аляксей Алексяёнак
– Інспектар – Мікалай Шалак
4. Праграма спаборніцтваў
29.11.2025. Субота.
11.30 — 12.30 – Заезд і размяшчэнне ўдзельнікаў спаборніцтваў. Рэгістрацыя ў цэнтры спаборніцтваў.
12.30 – Адкрыццё спаборніцтваў
13.00 – Старт асабістых спаборніцтваў на класічнай дыстанцыі. Мапа: «Махірова» 2025.
30.11.2025. Нядзеля
12.30 – Масавы старт асабістых спаборніцтваў на класічнай дыстанцыі ў фармаце эстафеты аднаго ўдзельніка. Мапа: «Маставуха» 2025
да 15.00 – Падвядзенне вынікаў спаборніцтваў. Узнагароджанне пераможцаў і прызёраў.
Закрыццё спаборніцтваў.
5. Рэгістрацыя ўдзельнікаў
Заяўка ажыццяўляецца праз
GOOGLE форму
Заяўкі прымаюцца да 23:59 25 лістапада 2025 г.
6. Удзельнікі спаборніцтваў
Да ўдзелу ў спаборніцтвах дапускаюцца каманды раёнаў і гарадоў Беларусі, калектываў, ДЮСШ, пазашкольных устаноў і спартсмены, якія стартуюць асабіста, КФК і каманды клубаў спартыўнага арыентавання, усе жадаючыя.
Спаборніцтвы праводзяцца па групах:
29.11.2025 (класічная дыстанцыя): МЖ: Е, А, Б, Kids (М12-Ж12).
30.11.2025 (класічная дыстанцыя) МЖ: Е, А, Б, Kids (М12-Ж12).
7. Тэхнічная інфармацыя
29.11.2025 класічная дыстанцыя:
Мапа: «Махірова». Маштаб 1:10 000 Н-2,5м.
Аўтар: Брыгінец Канстанцін. Рысаванне 2025 г.
Фармат карты А4. Герметызавана.
Мясцовасць: сярэднеперасечаная, з перападамі вышынь на схіле да 15 м, лес змешаных парод пераважна добрай праходнасці, сетка дарог і прасек развітая добра. Грунт цвёрды, месцамі пяшчаны. Па ўсёй плошчы мапы сустракаюцца паваленыя ураганам асобныя дрэвы, не паказаныя на карце. Вядзецца санітарная рубка лесу.
Легенды
ўдрукаваны ў карту і выдаюцца ўдзельнікам перад стартавым калідорам.
Параметры дыстанцый:
МЕ: 8.2 км;
МА, ЖЕ: 6.3 км;
МБ, ЖА: 5.4 км;
ЖБ: 4.6 км;
Kids: 2.7 км.
Схема старту:
30.11.2025 класічная дыстанцыя:
Мапа: «Маставуха». Маштаб 1:10000 Н-2,5м.
Аўтар: Аляксей Алексяёнак, 2019 г.
Карэкціроўка: Уладзіслаў Гаўрыльчанка, Антон Навічэнка, Мікалай Шалак 2025 г. Фармат карты А4. Герметызавана.
Мясцовасць: слаба перасечаная, з перападамі вышынь на схіле да 15 м, лес змешаных парод пераважна добрай праходнасці, сетка дарог і прасек развітая добра. Грунт цвёрды, месцамі пяшчаны. Па ўсёй плошчы карты сустракаюцца паваленыя ураганам асобныя дрэвы, не паказаныя на карце. Вядзецца санітарная рубка лесу.
Легенды
ўдрукаваны ў карту і выдаюцца ўдзельнікам перад стартавым калідорам.
Параметры дыстанцый:
МЕ: 10.2 км;
МА, ЖЕ: 8.3 км;
МБ, ЖА: 6.0 км;
ЖБ: 4.6 км;
Kids: 2.5 км.
Схема старту:
8. Фінансаванне
Расходы на праезд удзельнікаў да месца правядзення спаборніцтваў, харчаванне удзельнікаў ажыццяўляюцца за кошт камандзіруючых арганізацый і ўдзельнікаў.
Стартавы ўзнос за адзін дзень:
Дарослыя 25 byn;
Kids – 10 byn
Расходы на аплату працы суддзяў, аплату паслуг хранаметража, узнагароджанне ўдзельнікаў прызамі і іншыя расходы па арганізацыі спаборніцтваў нясе галоўны суддзя спаборніцтваў.
9. Узнагароджанне
Вынікі падводзяцца сярод усіх груп на класічных дыстанцыях па лепшым часе згодна з правіламі спаборніцтваў па спартыўным арыентаванні.
Узнагароджанне пераможцаў і прызёраў ажыццяўляецца па суме часу двух дзён у групе МЖ (Е,А,Б), Kids (паасобна юнакі і дзяўчаты) медалямі адпаведных ступеняў і памятнымі прызамі.
10. Хранаметраж
На спаборніцтвах будзе ўжывацца электронная адзнака SPORTident. Чыпы могуць быць прадастаўлены арганізатарамі спаборніцтваў. Сістэма SPORTident AIR+ функцыянаваць не будзе.
11. Транспарт
Пад’езд да месцаў старту ажыццяўляецца асабістым і грамадскім транспартам.