Прыгодніцкая гонка (ровары, бег і перашкоды). Ліміт часу 10 гадзін.
У гонцы могуць прыняць удзел каманды з двух чалавек: Ж+М або М+М, якія нарадзіліся па 2008 год.
Класічная прыгодніцкая гонка, у якой асноўным сродкам перамяшчэння з’яўляецца ровар. Удзельнікам трэба абавязкова пераадолець мінімум 55 кіламетраў (па аптымальным маршруце) на ровары, наведаўшы тры Пункты змены (далей — ПЗ). Бегавыя этапы (арыентаванне па спартыўнай мапе) і тэхнічны этап — абавязковыя. Пры перамяшчэнні паміж БЛ і ПЗ каманда можа збіраць бонусныя (неабавязковыя) КП. Для гэтага патрабуецца валодаць базавымі навыкамі арыентавання па мапе. Пры зборы ўсіх бонусных КП дыстанцыя можа павялічыцца да 70-80 кіламетраў (пры аптымальным пабудове маршруту). Паслядоўнасць наведвання ПЗ-1, ПЗ-2 і ПЗ-3 не мае значэння.
Першы абавязковы этап на старце для ўсіх каманд — «Рассейванне». Умовы гэтага этапа будуць абвешчаны на папярэднестартавым брыфінгу ў дзень старту.
